Este sábado, 9 de xuño, entregaranse os trofeos durante o festival que se celebrará en Bueu
Bueu | A organización do Festival Social Media de Galicia apura nestes días os últimos preparativos para que Bueu se convirta o vindeiro sábado, 9 de xuño, na capital das redes sociais en Galicia. E para iso onte o xurado completaba o seu primeiro trámite dando a coñecer os finalistas nas distintas categorías a concurso. O director do Festival, Francisco Graña, amosábase moi satisfeito coa boa acollida e o gran número de proxectos presentados, algo que fixo moi complexo o traballo do xurado, explicou. “De feito, a categoría correspondente á Mención Especial Territorio Nacional o xurado recomendou deixala deserta porque se presentaran proxectos con gran disparidade, difícilmente comparables, polo que agardaremos a posteriores ediciones para redefinir algunhas das categorías a concurso”, afirmou.
Axencias con pegada nacional como Elogia, de ámbito autonómico como NaranjaLimón; campañas con importantes investimentos como a de Estrella Galicia ou con caracter low cost, como Stabri ou Sabor a Vida son algúns dos proxectos que pasaron á final, xunto con blogueiros de moda (Nyxstyle; Fashion-Low cost; Alicemadness), turísticos (Vivir Galicia; Vagamundos ou Mola Viajar); gastronómicos (Recetas de Rechupete; O Bandullo; Uno de dos) ou informativos/culturais (Serantes; Manuel Gago; Briefing galego), sen esquecer aos candidados ao mellor video viral con traballos para dar a coñecer o Festival Trincadeira, promover a Federación Galega de Surf ou dar a coñecer unha tenda de moda.
Relatorios a cargo de Rubén Bastón e David Serantes
Responsables dos proxectos e blogueiros nominados daranse cita este sábado para coñecer quen finalmente acada os trofeos do MexiloneTuits, elaborado polo artista José Cerviño para a ocasión. Pero antes de coñecer a decisión final do xurado, os participantes terán a oportunidade de asistir a senllos relatorios a cargo de Rubén Bastón, director global do servizo de Social Media de Elogia, e David Serantes, consultor, relator e blogger de La Voz de Galicia. Xa a continuación coñecerase a decisión do xurado, e como a tensión dá fame, público e finalistas poderán participar dunha degustación dos produtos propios da gastronomía galega, así como o resto das actividades que completarán o Festival como rutas guiadas no Museo Massó e bautismo de mar nas embarcación tradicionais de “Os Galos”.
Relación completa dos finalistas do Festival Social Media de Galicia
Mellor Axencia 2011:
- Tuapli
- Naranjalimón
- Elogia
Mellor Blog Gastronómico:
- Recetas de Rechupete
- O Bandullo
- Uno de dos
Mellor Blog de Turismo:
- Vivir Galicia
- Vagamundos
- Mola Viajar
Mellor Blog informativo/cultural:
- Serantes
- Manuel Gago
- Briefing galego
Mellor Blog de Moda:
- Nyxstyle
- Fashion-Low cost
- Alicemadness
Mellor Video Viral:
- Madre Films
- Ah Moda
- A Trincadeira
Mellor Campaña en Canles Sociais:
- Pizza Móvil
- Gafa Vintage
- Estrella Galicia
Mellor Integración Online/Offline:
- Stabri
- Mátalos de risa
- Avexperience
Mellor Campaña Low Cost:
- Stabri
- Sabor a Vida
- Gafa Vintage
[...] @APDixital [...]